Познат е ростерот на Барселона за натпреварот од групната фаза во Лигата на шампионите против Интер, соопшти прес-службата на Каталонците.
На списокот со 20 фудбалери не се вклучени капитенот и напаѓачот на тимот, Лионел Меси, како и Жерар Пике. Ги нема ниту Серхио Бускетс и дефанзивецот Серхи Роберто.
За дуелот со Интер во Милано, тренерот Ернесто Валверде ќе може да смета на:
Голмани – Тер Штеген, Нето, Пења;
Одбрана: Фирпо, Ленгл, Ваге, Тодибо, Умити, Араухо, Морер;
Среден ред: Ракитиќ, Алења, Де Јонг, Пуч, Видал;
Напад: Гризман, Перез, Суарез, Дембеле, Фати.
Натпреварот е закажан за утре со почеток во 21 часот.
