Најочекуваното бебе на годината само што не пристигнало. Војвотката Меган Маркл добила контракции, потврди Бакингемската палата, јавува Би-би-си. Меган наскоро треба да го роди своето прво дете, кое го чека со британскиот принц Хари.
Бебето на Меган Маркл и принцот Хари ќе биде седмо во редот за британската круна, по принцот од Велс, војводата од Кембриџ и нивните деца – принцовите Џорџ и Луис, принцезата Шарлот како и војводата од Сасекс.
Во официјалната изјава на Бакингемската палата, испратена до медиумите, стои дека војвотката од Сасекс добила контракции во раните утрински часови и дека цело време покрај неа е нејзиниот сопруг, принцот Хари. Информацијата за раѓањето на приновата во кралското семејство Бакингемската палата наскоро треба да ја сподели со јавноста.
ФОТО: EPA/Yui Mok/POOL
