Полицијата ќе го истражува случајот со објавената снимка наводно за градоначалникот на Шуто Оризари, Курто Дудуш во која се слуша дека маж за кого се тврди дека наводно е градоначалник на скопската општина малтретира машко лице затоа што го опцуло.
Обвинителството нема оворено предмет, а реакции има од партиите. Во соопштение СДСМ бара одговорност и осуда за насилството.
„Очекуваме сите надлежни институции да постапат, да го расчистат случајот и да ја информираат јавноста. Моралните аспекти и личната совест, како и човечкиот интегритет се вредости кои подразбираат и одговорно однесување и делување. Одговорност мора да има, законите важат за сите подеднакво“, велат од СДСМ.
Опозицијата го осуди инцидентот и го нападне премиерот Зоран Заев дека толерира насилство. Градоначалникот Курто Дудуш за некои медиуми демантира дека малтретирал човек, вели дека снимката е монтирана.
