Полицијата пронашла три тела во стан во Виена, пишува „ОЕ24“. Во станот живееле 45-годишната Весна со потекло од Србија и нејзините 18-годишни ќерки.
Вратата морале да ја скршат пожарникари и полицајци по повик од загрижена жена, која подолго време не можела да стапи во контакт со нив.
Близначките наводно биле со инвалидитет, а пронајдени се мртви на каучот. Нивната мајка била пронајдена во ходникот. Иако засега нема траги од насилна смрт, полицијата и натаму го истражува случајот.
Весна неколку пати бегала од насилниот маж и била самохрана мајка.
Соседите за неа рекле оти била психички болна. Според нив, никој не доаѓал да го посети семејството.
Весна и нејзините деца ретко биле видени, но затоа често се слушале викотници од станот. Можно било Весна да ги отрула ќерките со таблети, а потоа и самата себе. Но, постои можност таа да паднала и да починала, па близначките да умрат од глад.
Австриските медиуми велат дека е можна втората опција бидејќи во станот не биле пронајдени никакви траги од храна.
Drei tote Frauen in Wien-Floridsdorf gefunden pic.twitter.com/wg7aZm21ke
— Bane (@Bumblb3e) May 23, 2019
