Од 2016 година наваму, НАТО и Европската Унија го препознаваат спротивставувањето на хибридните закани како приоритет за соработка, и за нас како Влада претставува потврда за нашите заложби, што веќе сме дел од оваа мрежа за соработка, рече министерот за информатичко општество и администрација Дамјан Манчевски на втората „Тркалезна маса за лидери на високи позиции, посветена на хибридните закани поврзани со информациите“, финансирана од програмата Наука за мир и безбедност и ко-спонзорирана од Министерството за одбрана на САД.
– Хибридните закани се разновидни и постојано се менуваат, а за справување со нив неопходна е соработка и координација меѓу многу државни институции. Во моментов сме во фаза на дефинирање критичка инфраструктура и организирање нејзина одбрана. Нашите тимови неуморно работат со поддршка на нивните колеги од меѓународната заедница – истакна министерот Дамјан Манчевски.
Во наредните неколку дена во Охрид, учесниците, меѓу кои истакнати академици, правни експерти и практичари од високо ниво, ќе имаат можност да дискутираат на теми поврзани со заканите што влијаат врз политичките, територијалните и економските аспекти на една земја, преку различните информации, дезинформации, неинформирањето и медиумите, традиционалните или социјалните.
Хибридните закани се разновидни и постојано се менуваат, а за справување со нив неопходна е соработка и координација меѓу многу државни институции. Во моментов сме во фаза на дефинирање критичка инфраструктура и организирање нејзина одбрана. Нашите тимови неуморно работат со поддршка на нивните колеги од меѓународната заедница”, истакна министерот Дамјан Манчевски.
Посочувајќи го примерот на Финска која отпорноста против таканаречените „хибридни“ закани ја претвори во национален концепт, министерот Манчевски ги посочи активностите на Владата во насока на подобрување на комуникацијата и транспарентноста, што ќе доведе до побивање на лажните информации.
– Владата веќе изработи Комуникациска стратегија и Стратегија за отворени податоци, во завршна фаза се и Стратегијата за транспарентност, а активно работиме и на планот за борба со дезинформациите и лажните вести. Во однос на јакнење на капацитетите за Сајбер безбедност, за првпат изработивме Стратегија и Акциски план за Сајбер безбедност. Исто така, неопходно е континуирано да се развиваме и поддржиме квалитетно и независно новинарство, во каква било нова форма во која тоа ќе еволуира. Сепак, професионалното новинарство е во нераскинлива врска со функционирањето на демократијата – истакна министерот Манчевски.
На тркалезната маса ќе земат учество лидери на високи позиции од над 20 држави од Европа, од Соединетите Американски Држави и од НАТО.
Тркалезната маса е во организација на Универзитетот Џорџ Мејсон (George Mason University) од САД, Воената академија „Генерал Михајло Апостолски“-Скопје и факултетот за криминалистика, криминологија и безбедносни студии од Сараево.
