Македонски автобус утрово се преврте во Србија на магистралниот пат Прокупље – Блаце, пренесуваат српските агенции.
Се дознава дека крајната дестинација на патниците бил Копаоник. Според првичните информации едно лице е потешко повредено, a неколкумина поминале со полесни повреди.
Екипите на брзата помош веднаш пристигнале на местото на несреќата.
ОБНОВЕНО: Едно лице е тешко повредено, а 11 се полесно повредени во сообраќајна несреќа на автопатот Прокупље – Блаце, кај Белољин, кога околу 10 часот се преврте автобус од Северна Македонија, кој превезувал патници до Копаоник, јавува РТС, пренесе МИА.
Според првичните информации, едно лице е тешко повредено и е пренесено во болница во Прокупље. Единаесет лица со полесни повреди и се згрижени во Здравствениот дом во Блаце.
– Екипата за Итни случаи на нашиот здравствен центар веднаш излезе на теренот, им помогна на повредените и во тек е нивна згрижување, велат од Здравствениот дом во Блаце.
Засега, не е позната причината за несреќата, а овој пат, на кој има чести сообраќајни несреќи, е во фаза на реконструкција од минатиот месец, со посебен режими на сообраќај во зависност од работите.
ФОТО Принтскрин
