Триесет и шестгодишниот Албанец од Македонија, кој ја убил 32-годишната сопруга на паркинг пред супермаркет во Австрија, го признал убиството, пренесува „Курир.рс“.
Како што се дознало, нивниот брак, во кој добиле двајца синови од 6 и 10 години, долго бил во криза.
Наводно, бидејќи била злоставувана и малтретирана, убиената го напуштила убиецот.
Неодамна судот му забранил да им се доближува на сопругата и децата поради насилство.
Несреќната жена отишла да купи храна за децата од супермаркет, каде ја пречекал напаѓачот и со два убоди од нож во вратот, ја убил на лице место.
Неговиот брат во Македонија кажал дека целото семејство е очајно поради злосторството.
– Тој го уништи семејството. Не сакаме да го видиме. Беше зависник од коцкање, а имаше и погрешни пријатели – рекол тој.
Се претпоставува оти убиецот е близок до Исламската држава. На една фотографија го имало со поздравот/гест кои последните години го користеле терористите на ИД.
ФОТО: Принтскрин / Кроне.ат / Курир.рс
