Поранешниот главен извршен директор во „Т-мобиле“, Жарко Луковски, утрово дал исказ во Обвинителството за организиран криминал и корупција за случајот „Рекет“, објави поратлот Нова ТВ.
Кога се отвори истрагата за „Рекет“ меѓу повиканите во Обвинителството бил и Луковски. Тој тогаш бил повикан како сведок. Како што појаснуваат од Обвинителството, овој исказ на Луковски е дополнување на претходниот негов исказ за истиот случај.
Ексдиректорот на „Т-Мобиле“ е осомничен во предметот „Базни станици“ на СЈО, за злоупотреба на над 3,5 милиони евра во корист на „Бетон“ АД Скопје, а на штета на акционерите на „Т-мобиле“.
Луковски е спомнат во еден од објавените разговори од италијанскиот весник „Ла Верита“ во разговорот меѓу Бојан Јовановски Боки 13 и Орце Камчев при пто Боки 13 му вели на Камчев дека Луковски завршил работа за неговиот случај во СЈО.
