Компанијата Лимак холдинг која го гради комплексот Дајмонд во Скопје, и покрај јавните укажувања и предупредувања од инспекторите, продолжува да ги прекршува правилата кои се предвидени во борбата против загадувањето.
Имено, камионите од ова градилиште секојдневно излегуваат со калливи тркала и зад себе креваат облаци од прашина. Целата улица е покриена со земја која паднала од тркалата на камионите.
Дознаваме дека неколку пати досега компанијата била предупредена од градските инспектори, па дури и биле поднесени и казни, но правилата и натаму се кршат и неуморно се загадуваат воздухот и околината со прашина и со земја која се ископува од градилиштето.
Дали Лимак холдинг вака гради и во Турција?
