Обвинителката која ја водеше истрагата за „Империја“, Лиле Стефанова во која осомничен е бизнисменот Орце Камчев вели дека утрово првпат ја видела снимката во која Бојан Јовановски зема пари од Камчев.
– Не само што не сум знаела дека постои ваква снимка, туку и сум згрозена. Очекувам Обвинителстово за организиран криминал комплетно да го расчисти целиот случај. Јас ќе соработувам и ќе ги споделам сите работи кои ги знам, а сега не можам да ги кажам за да не ѝ наштетам на истрагата – изјави во телефонски разговор за ТВ 24 обвинителката Стефанова.
На прашањето дали рекетот може да ја сруши „Империја“, Стефанова вели дека таа истрага е поставена на здрави нозе, но со месеци е закочена поради начелното мислење кое го донесе Врховниот суд.
