Лидерот на ВМРО – ДПМНЕ Христијан Мицкоски вечерва во емисијата „Печат на недалата“ на 1 ТВ рече дека не може да подржи тело коешто го води специјален јавен обвинител затоа што тоа тело е селективно и се користи како алатка против ВМРО-ДПМНЕ.
– Кога прашав јас зошто е замрзнат имотот на ВМРО-ДПМНЕ, специјалната јавна обвинителка рече да го поддржиме продолжувањето на мандатот на СЈО, а таа ќе го одмрзне имотот на ВМРО-ДПМНЕ. Во интерес на граѓаните е да проодолжи да постои тело кое ќе гони висок криминал во оваа дражава. Но, не можеме да кажеме дека ќе поддржиме тело какво што беше СЈО и кое го води овој специјален јавен обвинител. Затоа што се користи како алатка против ВМРО-ДПМНЕ – тврди Мицкоски.
