Летните температури во есен благопријатни за луѓето, но и за вирусите

Овој октомври е за дури 6 степени Целзиусови потопол во однос на претходните во Скопје, а слично, но уште потопло било, на пример, на 1. октомври 2012 година кога во главниот град била измерена највисока температура од 33,6 степени, а во Гевгелија дури 35,4 степени. Во текот на месец октомври годинава, потврдуваат од УХМР, исклучително топло време е регистрирано на сите мерни места во мрежата на метеоролошки станици во рамки на Управата за хидрометеоролошки работи. Лекарите предупредуваат дека високите температури во есен се благопријатни за луѓето, но и за вирусите.

Сузана Моневска Алчинова, шеф на одделот за климатологија во УХМР, вели:

– Податоците покажуваат дека речиси во целиот месец максималните температури во текот на денот надминуваат 20 степени, а средната максимална температура во целата Република е повисока од просечната за 4 до 5 степени Целзиусови, а во Скопје дури за 6 степени. Највисоките температури измерени во октомври 2018, по градови во Македонија изнесуваат од 20,5 во Маврово до 29,5 во Гевгелија. Исто така, и минималните температури, кога се споредени со повеќегодишните просечни вредности, покажуваат повисоки вредности за степен до два – вели Моневска и додава дека вакви температури имаат специфични влијанија во различни сектори.

Лето во есен

Денеска во Скопје биле измерени 25 степени Целзиусови, а за утре, 1. ноември, се најавуваат од 11 до 24 степени. A за 9. ноември, на пример, се прогнозираат 20 степени!

Проф. д-р Михаил Кочубовски, специјалист по хигиена во Институтот за јаво здравје, појаснува како невообичаено топлото време влијае на нашето здравје.

– Добро е тоа што нема големи разлики во утринската и дневните температури – полошо е кога утрата се постудени, додека ова е подобро иако е невообичаено за овој период. Поради топлото време може да имаме развој на вирусни инфекции. Високите температури точно е дека може благопријатно да делуваат на луѓето, но тие исто така делуваат поволно и на развојот и ширењето на вирусите. Затоа постојат можности за појава на почести вирусни инфекции кај луѓето. Но сега го елиминираме факторот на ниски температури, бидејќи времето е невообичаено топло. При многу ниски температури, ако не сме доволно заштитени, па вдишуваме студен водух без заштита, можеме полесно да се разболиме. Човекот е поизложен на инфекции кога вдишува студен воздух, но тоа зависи и од тоа дали сме на отворено или во затворен простор. Секако, вакво толпо време не е лошо за здравјето, туку е дури и позитивно – вели д-р Кочубовски.

На прашањето може ли поради високите температури да имаме наезда на инсекти, како комарци и муви, тој ја отфрла таа можност.

Битно е и тоа што фактот што иако подолго време нема врнежи од дожд, тоа не се одразило многу врз водоснабдувањето во градовите.

– Комуналните претпријатија имаат резерви вода, па за среќа, немавме поголеми рестрикции на вода за пиење поради сушниот период – вели д-р Кочубовски.

Највисоките температури измерени во месец октомври 2018 година по градови во Македонија:

Според базата на историски податоци во УХМР, досега највисоки температури во октомври во минатото биле регистрирани во: