Дејвид Агус е најпознатиот и најценет лекар во Холивуд. Славата ја стекнал лекувајќи го Стив Џобс, кој со помош на неговите совети живеел седум години „повеќе“ иако имал редок и тежок облик на рак на панкреасот.
Тој во едно интервју зборувал за советите кои му ги давал на Џобс, но дал и совети кои помагаат во спречување на појава на оваа болест.
Како и кога го запознавте Стив?
– Отприлика една година откако му беше дијагностициран ракот на панкреас. Штотуку имаше редицив на оваа болест. Јас се залагам за агресивен и иновативен пристап во лекувањето на ракот. Верувам во модерните начини на лекување и лекувањето во целина. Мислам дека тоа го импресионираше Стив.
Факт е дека Стив беше вегетаријанец. Дали тоа му помогна или го спречи во борбата против оваа болест? Што го советувавте да јаде?
– Беше вегетаријанец, но во текот на лекувањето по мој совет јадеше риба. Секогаш велам дека е подобро да се користат масти. Мастите мора да се јадат, но само оние добрите, незаситените”.
По што се разликуваше Стив од другите пациенти?
– Беше неверојатно паметен и ја разбираше медицинската терминологија. Можев да разговарам со него за неговата состојба, а притоа ништо да не морам да поедноставувам”.
Анџелина Џоли ја отстрани дојката само поради ризикот од појава на рак. Како ви се чини таа нејзина постапка?
– Верувам дека Анџелина Џоли постапи херојски, зборувајќи за својата одлука толку јавно. Таа стана пример на многу жени. Главна работа: нема ништо срамно во болеста, тоа не е причина тоа да го криете, за болеста може и треба да се разговара.
Тој продолжува во своето излагање:
Главната пречка на ракот е самата природа: ракот е самодеструктивен, во смисла дека ги збунува нашите сопствени клетки. Ракот е ужас кој спие во секој од нас. Понекогаш се буди накратко, исфрлајќи група чудни клетки наречени тумори, но во повеќето случаи повторно паѓа во хибернација под влијание на цел арсенал генијални методи на влијание. Но, кога тоа најмалку го очекуваме, ѕверот се пробива низ одбраната на целото тело, што доведува до нарушување на клетките, до функционирање на тие клетки и доаѓа до раст на малигното ткиво.Не знаеме што предизвикува рак и зошто се развива туморот, но постои нејасна претпоставка дека карциномот е поврзан со системски проблем – комплексно нарушување на функцијата на нашето тело кое не мора хируршки да се лекува… Превенцијата е важна.
– Поставете си цел постојано да се проучувате себеси и водете белешки. Слушајте го вашето тело и запамтете, бидејќи вие најдобро се познавате себеси. Лекарот нема да ви влезе во главата или да ги забележи вашите наговестувања. Никогаш немојте слепо да му верувате на лекарот. Бидете свој главен лекар. Не оставајте ги своите медицински документи кај лекарите. Побарајте копии и чувајте ги кај себе.
Следете ги правилата на здрава исхрана, сонот и физичката активност без оглед на денот во неделата. Мора да се навикнете да правите сè во исто време, на пример да ручате во исто време, да одите во кревет во исто време…
Промената на начинот на спиење во текот на викендот, во смисла на подолго спиење, може да го наруши вашето здравје. Ако одите во кревет во 21 часот, а потоа во 22 часот, исто така го нарушувате вашиот циклус, дури и ако спиете ист број на часови.
Научете се да се подготвите за сон… Зрачењето од компјутерите, телевизорот или мобилниот телефон го намалува лачењето на мелатонин – хормон кој го стимулира сонот. Најмалку половина час пред спиењето, исклучете ги телевизорот, телефонот или компјутерот за да имате мирен сон.
Недостатокот на сон го одделува мозокот од стомакот, што доведува до „несвесно јадење“. Тоа го тера телото да верува дека е гладно, а всушност не е.
Дајте му на мозокот пауза. Моментите во кои ви е „здодевно“ всушност се оддишка за вашиот мозок.
Секогаш трудете се да вежбате, бидејќи вежбањето е секогаш подобро од нималку вежбање. Движењето е многу полесно отколку што се чини, особено ако знаете дека тоа е единствениот научен доказ за тајната на младоста кое не бара посебно вложување, време или пари.
