Брзи и темелни реформи и расчистување со криминалот од поранешните и актуелните функционери независно од одлуката на Европската унија побара Либерал-демократската партија, на средба со членовите на скопската општина Ѓорче Петров.
Потребно е Македонија засилено да продолжи со реформите во судството и заживување на економијата, истакна Горан Милевски, претседател на ЛДП. Партијата бара брзи и темелни реформи во правосудството, расчистување со криминалот од минатото и од актуелните функционери.
„Само преку почитување на основните европски вредности може да чекориме и кон Европа. Во нашата држава речиси три децении се размислува само лево или десно, кон едната или кон другата опција. Време е за различно размислување, либерално кон Европа. ЛДП не разочарува, ЛДП испорачува“ дополнуваат од партијата.
