Куче кое било напуштено на автобуска постојка во село Маметкино во Русија, бесконечно чекало да се врати неговиот газда по него, пренесува „Курир.рс“.
Тоа било оставено кон крајот на летото, а не се помрднало од местото ниту на -30 степени.
За тоа сведочел и Сабиргали Бајсагуров, кој живее во селото.
– Не се помрднуваше од таму. Кога ќе поминеше некое сиво возило, понекогаш го следеше. Веројатно неговиот газда возел сив автомобил – рекол Бајсагуров.
Кучето било мошне недоверливо, а на крај се опуштило кога добило нов дом.
– Читав за него на интернет и многу ми беше жал. Наредниот ден отидов по него – изјавила Ирина, која му пружила топол дом.
Сега кучето добило и ново име, Арчи, а има и постар брат по име Бетовен.
– Толку е добар и сака да се милува – додала Ирина.
