Прерано е да се тврди дека преговорите меѓу Грција и поранешната југословенска Република Македонија за спорот за името се завршени, изјави грчкиот алтернативен министер за одбрана Фотис Кувелис, коментирајќи ги информациите дека разговорите меѓу Атина и Скопје се во застој.
– Би било непотребно избрзано да се објави крај на овие разговори и преговори – рекол Кувелис за време на церемонија во воздухопловната база на грчката армија во Триполи, пренесува „Катимерини”.
– Нашата земја сака да има решение и точките кои ги постави се неопходни услови кои гарантираат добар резултат, ако се прифатат од соседната земја – вели Кувелис.
Претходно, денеска владин претставник во Атина изјави дека двете страни се оддалечуваат од решение бидејќи „Скопкје се чини не е подготвено да одговори на предлозите за кои зборуваа двајцата министри за надворешни работи во Брисел”.
