Во Крушево утре ќе се одбележи уште една годишнина од раѓањето на Тоше Проески.
Претпладне, во 11.30 ќе се положат цвеќиња на вечното почивалиште на Тоше, а од 12 часот ќе започнат низа настани во неговата спомен куќа.
Манифестацијата ќе започне со настап на Сотираки Чакалар, обраќање ќе има и градоначалникот на општина Крушево, потоа ученици од „Наум Наумовски Борче“ ќе читаат извадоци од песните на Тоше. Според агендата, настап треба да има и Марија Котеска, а по неа се обрати директорот на спомен куќата, ќе се доделуваат награди и благодарници, а на крај манифестацијата ќе заврши со настап на Елена Ристеска во чест на Тоше.
Организатори на настанот се: Општина Крушево, Спомен куќа „Тодор Проески, Меѓународна фондација „Тоше Проески“, СОУ „Наум Наумовски Борче“ и ООУ „Никола Карев“.
