По победувањето на комичарот Володимир Зеленски на претседателските избори во Украина, порасна интересот на јавноста и за неговата сопруга, 41-годишната Јелена, со која е во брак од 2003 година.
Иако одела во исто училиштето со Зеленски, не го познавала. Завршила на Градежен факултет во Криви Рог, каде го запознала идниот сопруг, но никогаш не работела по струката.
Првата дама на Украина работи во студиото „Квартал 95“, чиј сопственик е Зеленски.
Јелена на почетокот „отворено и агресивно“ била против тоа Зеленски да се кандидира за претседател. Меѓутоа, кога сфатила дека тоа е негова цврста одлука, го поддржила.
Пред дебатата на Зеленски и Порошенко на 19 април, Јелена била прашана дали некоја прва дама ќе ѝ биде пример, таа рекла дека кога станува збор за имиџ, не се обидува да следи нечиј стил, ниту да копира некого.
– Секако дека погледнав фотографии да сфатам некои протоколарни работи, но ништо повеќе – додала таа.
ФОТО: EPA / STEPAN FRANKO
