Новиот тренер на МЗТ Скопје Аеродром, Ѓорѓи Кочов, со победа го почна својот мандат на клупата на актуелниот шампион и тоа на синоќешното гостување на жешкиот терен кај Блокотехна.
Кочов е задоволен од начинот на кој одиграа неговите избраници и верува дека ако во секој меч се одигра на ваков начин дека резултатите нема да изостанат.
Бевме максимално ангажирани и во нападот и во одбраната, што на крајот ни ја донесе победата. Кошаркарите пристапија како вистински професионалци, дадоа се од себе и ги исполнија сите тактички замисли. Блокотехна се покажа како квалитетен ривал, поради што триумфот е уште посладок. Верувам дека ќе продолжиме во ист стил за да им покажеме на сите оние кои предвреме го отпишаа МЗТ Скопје Аеродром. Наше е да одиме чекор по чекор и да се надеваме на најдоброто, вели Кочов за клупскиот сајт на МЗТ.
