Извршниот одбор на СДСМ одлучи да не оди на предвремени парламентарни избори. Портпаролот на партијата Костадин Костадинов со ова и официјално потврди дека ќе нема предвремени парламентарни избори.
Тој во изјава по завршувањето на Извршниот одбор рече дека СДСМ презема одговорност пред граѓаните и интересите на државата, дека граѓаните бараат резултати во економијата, реформите и интегациите. Костадинов потенцира дека државотворна партија на која на прво место и се државните интереси на граѓаните и на државата не мисли на предвремени парламентарни избори дури и кога рејтингот и поддршката кај граѓаните е многу повисока од таа на опозицијата.
– Како одговорна Влада најавивме економска година, создавање силна економија која отвора шанса за сите. Економијата е раздвижена и стабилизирана. Платите растат се зголемуваат инвестициите, се повеќе пари завршуваат кај граѓаните. Тоа е добар основа за засукување на ракавите и посветување на резултати што ги бараат граѓаните, на се што е потребно за подобар живот и стандард на сите граѓани. Веќе сме дел од НАТО, очекуваме датум за преговор со ЕУ и реализирање на потребните реформи. Одговорна власт не би го загразила датумот за преговри со ЕУ со предвремени парламентарни избори и стопирање на реформите. Република Северна Македонија ја очекуваат кристално чисти, фер и демократски претседатекси избори на кои ќе победат граѓаните, ќе победи СДСМ – рече Костадинов.
Тој информира дека Извршниот одбор на партијата го овластил претседателот на партијата, генералниот и организацискиот секретар да направат консултации со коалициските партнери и со други партии за да дојдат до консензуален кандидат за претседател на државата.
.
