Конгресот ја прифати предлог програмата „Можеме“ да биде официјална предизборна програмна на СДСМ и Коалицијата, рече лидерот на СДСМ Зоран Заев по завршувањето на 24. Конгрес на партијата на кој се отврди изборната програма и кандидатските листи за пратеници за изборите на 12 април.
Заев рече дека СДСМ почнува нова пракса со тандем на носители на сите изборни единици, маж и жена за целосна родова еднаквост.
– Изборна единица еден ќе ја предводата Никола Димитров и Мила Царовска.
Изборна единица два чест да ја предводат имаат Оливер Спасовски и Сања Лукаревска.
Третата изборна единица ќе ја предводат Љупчо Николовски и Јагода Шехпаска.
Четвртата изборна единица ќе ја предводиме јас и Соња Мираковска.
Изборната единица пет ќе ја предводат Радмила Шекеринска и Јован Митрески.
Шестата изборна единица ќе ја предводат Била Касами и Фаница Николовска.
Ова се луѓето кои даваат збор и пред мене и пред вас дека ќе работат чесно и одговорно. Со ваква понуда нема дилема ние сме победници на 12 април – рече Заев.
