Комисијата за односи со верските заедници и религиозни групи (КОВЗРГ) како надлежна државна институција за прашањата поврзани со религиите и верската сфера ги осудува вандалските и садистички постапки на непознатите сторители кои се изживувале врз животно и испишувале сатанистички симболи на јавни површини и на православни храмови, сцена која разбирливо предизвика вознемиреност кај граѓаните.
– Апелираме сите граѓани кои имаат сознанија за активност на поединци или групи, кои спротивно на закон дејствуваат и пропагираат учења кои не се прифатливи за нашето општество од етички, обичаен и морален аспект истите веднаш да ги споделат со нас, а се во заштита на јавниот интерес – соопшти Комисијата.
Од таму велат дека ја информираат јавноста дека во Република Македонија има 37 регистрирани верски групи согласно закон, и дека истите целосно го почитуваат правниот поредок. Долги години до Комисијата не е стигната поплака за појава на група која дејствува во таков контекст. Се надеваме дека и предметниот случај целосно ќе се расветли.
