На една од снимките прикажани во судницата за „Рекет“ биле снимени како во скопски ресторан заедно седат Зоран Милевски Кичеец, еден познат адвокат од Скопје и Вице Заев, братот на поранешниот премиер Зоран Заев.
Опис на снимката не даде обвинителката Вилма Русковска, а немаше објаснување и за контекстот на снимката што е забелешка и на одбраната во „Рекет“.
Русковска се правдаше дека го читала извештајот од МВР додека оделе снимките, па не ги ни видела.
– И сами можевте да се уверите дека не беше спомнато ниту едно име, освен имињата на лицата за кои имаше наредба за посебни истражни мерки – објасни Русковска откако адвокатот на Боки 13 Сашо Дуковски приговараше дека немало опис на снимката во која се прикажуваат познати личности на средба со Кичеец во скопскиот ресторан „Воденица“.
