Општина Кисела Вода додели нови 37 ваучери за новороденчиња, од кои 16 се за женски деца и 21 за машки, соопшти Општината.
Еднократната парична помош која е во висина од 6000 денари Општината ја доделува за да им излезе во пресрет за првичните потреби на семејствата кои имаат принова и се со адреса на живеење на нејзината територија.
За добивање на ваучер заинтересираните потребно е да поднесат барање и со него да достават на увид важечки лични карти или други исправи за лична идентификација, извод од матична книга на родените за новороденчето и фотокопија од трансакциона сметка. Барањата треба да се поднесат во рок од 90 дена од моментот на раѓање на детето.
