Изборниот ден помина во исклучително мирна и демократска атмосфера, изјави вечерва Александар Кирацовски, по завршувањето на гласањето од првиот круг на претседателските избори.
– Имавме кристално чист изборен прв круг, имавме скандинавски избори. Им честитаме на сите граѓани. Граѓаните го искористија слободно своето гласачко право. Позитивната фер и демократска атмосфера што беше и во кампањата продолжи и денеска. Институциите овозможија услови изборите да минат во најдобар ред – рече Кирацовски.
Тој очекува победа на кандидатот Стево Пендаровски во првиот круг, како и иста атмосфера и во вториот круг и победа на гласањето за вториот круг на 5 мај.
Според негови информации од ДИК, излезноста била 42 отсто.
