Состојки:
– 500 грама телешко месо од бут или врат
– 1 главица црвен кромид
– 2 моркови, пашканат, магдонос
– 1 корен од целер
– 2 компири
– 1 дл масло за јадење
– 2 лажички брашно
– 2 дл кисела павлака
– 1 жолчка
– сол, бибер, ловоров лист, малку магдонос
Приготвување:
Кромидот ситно исечкајте го па динствувајте го во масло. Додадете го месото исечкано на коцки (со коските, ако ги има), сипете вода за да го прекрие месото и варете на тивок оган околу еден час.
Додадете го зеленчукот исечкан на коцки, додадете сол, бибер па сипете околу 2 литри вода.
Направете и запршка од две лажици брашно, па сè заедно гответе уште околу половина час.
Пред сервирање, во готовата чорба додадете павлака со изматена жолчка и посипете ситно исечкан магдонос. По желба, телешката чорба може да се консумира со малку оцет или лимонов сок.
