Катната гаража „Судска палата“ која повеќе од еден месец не беше во функција заради дефект со електричното напојување, од денеска повторно започнува со работа.
Општина Центар и ЈП ПОЦ го санираа дефектот со електричното напојување и се во завршна фаза со санација на покривот на катната гаража. Санирањето на целокупната штета ја чинеше општината околу 1.100.000 денари.
Од понеделник сите корисници кои треба да склучат или да продолжат договор или да извршат плаќање да одат директно во Дирекцијата на ЈП Паркинзи на Општина Центар во катната гаража „Судска палата“ или да го сторат тоа електронски на www.poc.mk.
