Ново име за севкупна употреба е ставено на маса, откако нема согласност за предлогот Илинденска Македонија, пишува денеска грчки Катимерени. Според нивни дипломатски извори – новото име досега не е познато за јавноста, а е поврзано со Крушево и илиденскиот период.
Грчкиот весник вели дека новото име ќе го рефлектира словенското потекло на земјата, отфрлајќи поврзаност со антиката. Според „Катимерини“ македонската страна ги одбила предлозите Горна Македонија и Нова Македонија како „ерга омнес.
Весникот пишува дека министерот за надворешни на Грција, Никос Коѕијас е во засилен дипломатски спринт. И по утрешната средба со колегите министри за надворешни работи во Брисел ќе отпатува во Германија каде ќе се сретне со претседателот Штајнмејер.
