Познаниот каратист Дејан Недев ја одбрани својата докторска дисертација на државниот Универзитет „Св. Климент Охридски“ во Софија, Бугарија, во средата.
Дисертацијата е со наслов „Истражување на зависностите помеѓу антропометриските показателии, моторните способности и вештини на 15-годишни ученици во услови на настава по физичко образование и спортски воннаставни активности по боречки спортови (карате, џудо, борење и бокс).
Недев го подготвувал 6 години истражувањето, кое е напишано на 278 страници. Низ 180 табели се прикажани разни резултати од мерењата и истражувањата со коментари.
Членови на комисијата за одбрана на докторската десертација беа најеминентни професори од областа на спортот во Бугарија и тоа: проф. д-р Ангелина Јанева -ментор, проф. д-р Елена Џамбазова, проф. д-р Димитар Михајлов од Националната спортска академија, проф. д-р Симеон Јорданов од НСА и проф. д-р Даниела Дашева поранешна министерка за спорт на Бугарија.
Пред две години на истиот Универзитет докторираше и постариот брат на Дејан, Аљоша Недев.
