Канал 5 јави дека попладнево се обиделе да стапaт во контакт преку социјалните мрежи со поранешниот премиер Никола Груевски во Будимпешта и побарале од него интервју.
„Би сакале да Ви понудиме ексклузивно интервју во кое би ги расчистиле сите нејаснотии околу вашиот азил и пред македонските граѓани да ги објасните точните причини за истиот. Доколку имате интерес Вие ќе можете да ја одберете локацијата и времето за интервјуто” , се наведува во поканата на Канал 5 до Груевски на Фејсбук, на која како што вели телевизијата, нема одговор.
