Дваесет и едногодишна Србинка направила хаос во Виена, по што три полицајци биле повредени, три лица уапсени и биле уништени полицајски автомобил и мотори, пренесуваат српски медиуми.
Полицајците дошле по пријава дека девојката урла и тепа машко лице на улица, а кога се обиделе да ѝ стават лисици, од кафуле во близина истрчале повеќе од дваесет момчиња и барале од полицајците да ја остават девојката на мира.
Таа ја пцуела полицијата и бегала, а кога еден полицаец се обидел да ѝ стави лисици на нозете, девојката го удрила неколку пати во главата.
Полицајците повикале уште 14 колеги на помош, а 25-годишник за кој се верува дека е од Србија, заедно со 28-годишник од Австрија се обиделе физички да ги нападнат.
Двајцата биле веднаш уапсени, а вториот на пат кон станица беснеел и ја уништил внатрешноста во автомобилот, па дури и ја скршил вратата. Поради тоа морало да дојде ново возило.
Кај него бил пронајден и бел прав, се претпоставува дека е кокаин, па тој ќе добие и пријава за недозволено поседување на дрога.
