На само пет дена од календарскиот почеток на есента, во Македонија и денеска опасно високи температури и до 36 степени Целзиусови и жолта фаза, која продолжува и утре, прогнозираат од УХМР.
Дури од четврток ќе има значителна промена на времето.
– Денеска и утре ќе се задржи многу топло за овој период од годината со температури и до 36 степени. Во повардарието и на југоистокот од земјата, денеска, а и утре, активно ќе биде жолто ниво за опасност од високи температури. А утре од пладне во северните делови ќе почне да дува засилен северен ветер, а попладне и долж повардарието температурите ќе бидат нешто пониски. На пример, во Крива Паланка ќе изнесуваат 27 степени. Веќе в четврток ќе настапи значителна промена на времето – ќе биде променливо облачно, со повремен дожд претпладне во западните делови, а температурите ќе бидат за 8 степени пониски од денешните – ни изјави дежурниот синоптичар Борис Секирарски.
