Нов ден, нова лага од белиот дворец. ВМРО-ДПМНЕ денеска повторно се обиде да ги излаже граѓаните преку пласирање на лажни вести и невистини. Не е точно дека цените на детските кардиоваскуларни операции се зглолемени, како што лаже ВМРО-ДПМНЕ, соопштија денеска од СДСМ.
Од партијата нагласуваат:
– Како што јавно соопшти Министерството за здравство вистината е дека нема промени во цената на овие услуги и тие остануваат бесплатни, односно на товар на Фондот за здравствено осигурување. Целосно неосновани се и тврдењата на ВМРО-ДПМНЕ за наводно зголемување од околу 20 отсто по процедура за детска кардиохирургија. Цената по процедура е иста во Клиниката Жан Митрев, како што беше и на детската кардиохирургија – тврдат од СДСМ.
Ништо не се менува во ВМРО-ДПМНЕ, очигледно е дека опозициската партија предводена од Христијан Мицкоски е целосно посветена на лажните вести и веќе нема ниту идеја да излезе од матрицата на лаги и деструкции во која е длабоко завлезена.
