Њујоршката полиција денеска интервенирала во врска со информации за „сомнителен пакет“ пронајден на Менхетн, по серијата пакети бомби испратени до високи функционери демократи и критичари на американскиот претседател Доналд Трамп.
– Ве молиме, избегнувајте ја областа и очекувајте полициско присуство и густ сообраќај – напиша њујоршката полиција на Твитер.
За сега не е познато дали инцидентот е поврзан со сомнителните пакети бомби што беа пресретнати во САД оваа недела, кои беа испратени до Хилари Клинтон и поранешниот претседател Бил Клинтон, поранешниот претседател Барак Обама, претставничката на Демократската партија од Калифорнија во Претставничкиот дом на Конгресот на САД Максин Вотерс, Си-Ен-Ен и други.
Ен-Би-Си Њуз, цитирајќи локален полициски службеник, јави дека денешниот пакет бил пронајден на локација поврзана со Роберт Де Ниро. Актерот, кој своевремено го критикуваше Трамп, е сопственик на ресторан во населбата Трајбека во Менхетн, каде што бил пронајден пакетот.
На телевизиските снимки се гледа големо присуство на полицијата во областа.
Де Ниро го опцу американкиот претседателот на национална телевизија за време на доделувањето на наградите Тони во јуни, а Трамп потоа го нарече 75-годишниот актер „поединец со многу низок коефициент на интелигенција“.
BREAKING: per CNN- another identical package containing pipe bomb sent to Robert Deniro’s restaurant in Tribeca NYC. I’m live again at 9am with updates. pic.twitter.com/HdZ0r5VEc5
— Saira Anwer (@SairaAnwer) October 25, 2018
ФОТО: Видео
