ЈП Паркинзи на Општина Центар и Општина Центар во соработка со Сообраќајната полиција-Скопје во изминатите седум дена санкционираа 235 непрописно паркирани возила кои го попречувале нормалното и безбедно одвивање на сообраќајот.
Во периодот од 12. до 18. август, со помош на специјалните возила „Пајак“ на ЈП ПОЦ отстранети се 111 непрописно паркирани возила, од кои две несовесно паркирани возила на паркинг места наменети за лица со посебни потреби, а со поставување на „блокатор“ санкционирани се 124 возила кои биле затекнати во резидентни зони, а не биле корисници-резиденти на секторот во којшто биле паркирани.
ЈП ПОЦ и Општина Центар континуирано водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Оттаму потсетуваат дека важно е да се почитуваат сообраќајните правила од сите учесници во сообраќајот за да се одржи ред и безбедност на улиците.
