Во секој момент се очекува да почне Комисијата за уставни прашања на Собранието на која на дневен ред е Предлогот за пристапување кон измена на Уставот на Република Македонија, обврска што произлегува од преспанскиот договор.
Седницата требаше да почне во 12 часот, но се уште во салата не се влезени сите членови на Комисијата. И покрај шпекулациите дека е можно членовите од опозицијата да ја бојкторираат, во салата пред малку дојдоа Трајко Велјановски и Антонио Милошоски од ВМРО – ДПМНЕ. Сепак, останува отворено дали пратениците од опозицијата ќе останат на седницата, или пак ќе имаат само кусо излагање по кое не е исклучена можноста да ја напуштат денешната расправа за што засега нема потврда.
Извештајот од Комисијата за уставни прашања повторно треба да се најде на пленарна седница следната недела.
