Има и деца меѓу жртвите и повредените во терористичките напади врз две џамии во новозеландскиот град Крајстчрч,изјави премиерката на државата Џасинда Ардарн.
– Ранетите се од мали деца до возрасни луѓе. Меѓу нив има мажи, жени и деца и тие се како меѓу загинатите така и меѓу ранетите – изјави Ардарн.
Во нападите извршени вчера загинаа 49 луѓе и 20 се тешко ранети.
Таа пофали двајца полицајци кои го задржале напаѓачот кој имал намера да го продолжи нападот. Тој ќе биде во притвор до април кога против него ќе почне процес во Високиот суд во Крајстчрч.
Од четворицата приведени вчера, еден е граѓанин кој сакал да и помогне на полицијата со огнено оружје. Полицијата се обидува да ја дознае врската на останатите двајца со нападите. Полицијата тврди дека одговорност за двата напада има приведениот Брентон Тарант кој е на 28-годишна возраст
