Бугарскиот премиер Бојко Борисов изрази жалење за жртвите во тешката автобуска несреќа што вчера попладне се случи на автопатот Скопје – Тетово.
– Со болка ја слушнав веста дека на патот Скопје – Тетово животот го загубија 14 лица. Им изразувам жалење на најблиските на загинатите и посакувам брзо заздравувње на повредените – изјави Борисов.
Во тешката автобуска несреќа кај селото Ласкарци вчера попладне се преврте автобус на компанијата „Дурмо турс“ во која загинаа 14 лица. Владата на својата вонредна седница синоќа прогласи дводневна жалост.
