Ирански пратеник понуди награда од три милиони долари „на оној кој ќе го убие американскиот претседател Доналд Трамп“, јавија американските медиуми, повикувајќи се на иранската полуофицијална агенција Исна.
– Во име на народот на провинцијата Керман, ќе платиме три милиони долари награда во готово на оној кој ќе го убие Трамп – изјави пред пратениците во иранскиот парламент Ахмад Хамзех, цитиран од иранската агенција.
Хамзех не прецизираше дали одлуката да му се испрати закана на американскиот претседател е донесена од иранските верски лидери, напоменувата британските медиуми.
Керман, имено, е родното место на иранскиот воен командант Касем Сулејмани, кој беше убиен на 3 јануари во американски воздушен напад до дрон во близина на аеродромот во Багдад.
