Корисниците на Инстаграм наскоро ќе почнат да добиваат предупредување во врска со лажните содржини на нивниот профил на оваа социјална мрежа.
Фејсбук, во чија сопственост се наоѓа Инстаграм, објави дека во текот на следниот месец ќе додаде функција на двете социјални мрежи која крајно видливо ќе ја обележи неточната или лажна содржина.
Овие ознаки ќе бидат прикажани на врвот од фотографиите и видеата, вклучувајќи ја и содржината на „стори“, кои се означени како лажни или делумно лажни.
За проверка ќе бидат задолжени Фејсбук партнерите кои со предупредување ќе вклучат и линк за нивната оценка на содржината.
Фејсбук со овој потег сака луѓето да можат подобро да одлучат за себе во што ќе веруваат, што да читаат и да споделуваат.
Исто така, корисниците ќе добиваат и посебно предупредување ако почнат да споделуваат некоја невистинитост на Инстаграм.
