Основниот кривичен суд во Скопје го одби барањето од адвокатката на Катица Јанева со понудена гаранција во имот, за таа да излезе од притвор и да се определи поблага мерка.
Тоа значи дека Катица Јанева останува во затворот во Шутка, каде престојот вчера и беше продолжен за нови 30 дена.
За ова барање на одбраната, пред да се изјасни судот требаше мислење да даде и Обвинителството за гонење организиран криминал и корупција. Оттаму, како што информираат од Кривичен, доставиле негативно мислење, по што судијата на претходна постапка одлучувал и го одбил барањето и гаранцијата.
Јанева се наоѓа во притвор од 21 август како осомничена за злоупотреба на службената положба во случајот „Рекет“. Покрај неа, осомничени и во притвор се Бојан Јовановски – Боки 13 и Зоран Милески – Кичеец.
