На седницата за разрешување на министерката за труд Рашела Мизрахи, се предожени и нови точки, односно предлог на закон за неевидентирани лица во матична книга на родени. Пратениците ќе расправаат и за предлог на закон за изменување и дополнување на Изборниот законик, по скратена постапка, како и за Предлог на закон за дополнување на Законот за личната карта.
Во измените на Изборниот законик влезе и барањето на ДУИ за промена на гласачките места од Шестата во Петата изборна единица заради баланс на гласачите. Се предлага гласачки места од Дебар и од Маврово и Ростуше од шестата да се префрлат во Петата изборна единица.
„Во членoт 175 став (1) во делот „ ИЗБОРНА ЕДИНИЦА 5 “ по зборовите : „ ИЗБОРНА ЕДИНИЦА 5 “ се додаваат зборовите: „општина Дебар избирачки места од 0477 до 0477; Општина Дебар избирачки места од 0477/1 до 0477/1; Општина Дебар избирачки места од 0543 до 0548; Општина Дебар избирачки места од 0544/1 до 0544/1; Општина Дебар избирачки места од 0547/1 до 0547/1; Општина Дебар избирачки места од 0555 до 0556“, по зборовите:„општина Крушево избирачки места од 1187/1 до 1187/1“ се додаваат зборовите : „ општина Маврово и Ростуша избирачки места од 0463 до 0476; општина Маврово и Ростуша избирачки места од 0464/1 до 0465/1; општина Маврово и Ростуша избирачки места од 0470/1 до 0470/1; општина Маврово и Ростуша избирачки места од 0473/1 до 0474/1; општина Маврово и Ростуша избирачки места од 0478 до 0479; општина Маврово и Ростуша избирачки места од 0481 до 0498“.
Во делот „ ИЗБОРНА ЕДИНИЦА 6“ зборовите: „општина Дебар избирачки места од 0477 до 0477; Општина Дебар избирачки места од 0477/1 до 0477/1; Општина Дебар избирачки места од 0543 до 0548; Општина Дебар избирачки места од 0544/1 до 0544/1; Општина Дебар избирачки места од 0547/1 до 0547/1; Општина Дебар избирачки места од 0555 до 0556“ се бришат и зборовите:„општина Маврово и Ростуша избирачки места од 0463 до 0476; општина Маврово и Ростуша избирачки места од 0464/1 до 0465/1; општина Маврово и Ростуша избирачки места од 0470/1 до 0470/1; општина Маврово и Ростуша избирачки места од 0473/1 до 0474/1; општина Маврово и Ростуша избирачки места од 0478 до 0479; општина Маврово и Ростуша избирачки места од 0481 до 0498“ се бришат“, пишува во Изборниот законик.
Предлог-законот за дополнување на Законот за лична карта, пак, предвидува во образецот за лична карта да стои и податокот за етничка припадност, покрај податоците за презиме и име на граѓанинот, државјанство, пол, датум на раѓање, матичен број, датум на издавање и важење на личната карта, место на раѓање, живеалиште и адреса, надлежен орган кој ја издал личната карта, број на личната карта и потпис на имателот на личната карта.
– Од причина што сметаме дека припадниците на етничките заедници согласно со Уставот на Република Северна Македонија, имаат право да ја искажат својата етничка припадност, предлагаме во член 5 став 2 покрај другите податоци да биде предвидена и „етничката припадност“, стои во образложението на предлог-текстот.
Седницата 136., според писменото известување од претседателот на Собранието Талат Џафери, наместо во 15 часот, ќе почне по завршување на претресот на законот за ЈО кој е прва точка на 135. седница и кој се уште трае.
За в недела напладне, пак, е закажана 137. седница на која и официјално се очекува Собранието да биде распуштено
