Луксузната јахта на латино пејачот и актер Марк Ентони се запалила и потонела во пристаништето во Мајами, а од неа останале само „изгорени даски“, пренесоа медиумите.
Јахтата „Андиамо“, на која Ентони, поранешниот сопруг на Џенифер Лопез, правел журки за џет-сетот, се запалила под неутврдени околности, изгорела речиси во потполност и потоа се превртела во заливот.
Точно 40 пожарникари се обидувале да ја санираат катастрофата, а пожарот го гаселе два часа.
Јахтата е долга 36 метри, вредна седум милиони долари, има пет кабини, џакузи и палуба за џет-ски.
Полицијата во Мајами истражува како се случил пожарот, пренесува американскиот портал ТМЗ.
Никому не му е јасно како пожарот настанал, а освен јахтата на Ентони, катастрофата не ги задесила другите јахти и бродови.
7News sources are telling us the 120-boat currently on fire while docked at Watson Island is owned by recording artist Marc Anthony. No injuries. @wsvn #NightTeam pic.twitter.com/5lct4KuESw
— Sheldon Fox-7 News (@fox_sheldon) December 19, 2019
