Пред пратениците на денешната собраниска седница се измените на Изборниот законик, по скратена постапка.
Седницата треба да продолжи со Предлогот за разрешување на претседателот и членовите на Државната комисија за одлучување во управна постапка и постапка од работен однос во втор степен, што започна во четвртокот, завршната сметка на Буџетот за 2017, дополнет предлог на закон за изменување и дополнување на Законот за превоз во патниот сообраќај, во второ читање и други.
На предлог на владејачкото мнозинство на седницата на дневен ред се и измените на Законот за заштита на потрошувачите, во второ читање, но и дополнет предлог на закон за изменување на Законот за пратениците, во второ читање, извештаи и други закони.
