Поранешната сопруга на американскиот претседател Доналд Трамп, Ивана Трамп успешно е оперирана во Загреб во приватна очна клиника.
-За врвната офталмолошка клиника во Загреб ми раскажуваа пријатели од Њујорк кои веќе биле оперирани овде и кои имаат само пофални зборови за услугата и стручните лица. Кај нив забележав дека операцијата им го подигна квалитетот на живот, па чекав погоден момент да се оперирам и јас -изјави Трамп по операцијата.
Таа додаде и дека операцијата била брза и безболна.
– Имам сосема подруг и поубав поглед на светот кој сега повторно го откривам – вели Ивана Трамп.
Хрватските медиуми објавија дека таа имала и неофицијална средба со градоначалникот на Загреб Милан Бандиќ.
Бандиќ видео од оваа средба објави на својот Фејсбук профил.
Тие на средбата си размениле дресови.
