Партија за целосна еманципација на Ромите ПЦЕР, доставила барање до ремиерот Зоран Заев за разрешување на министерот без ресор Аксел Ахмедовски, задолжен за имплементација на стратегија на Ромите и подобрување на нивниот статус.
Ова барање, како што се наведува во информацијата на ПЦЕР, е поради неисполнување на стратешките определби на Партијата за целосна еманципација на Ромите од страна на министерот без ресор и нереализирање на започнатите инфраструктурни проекти.
„Очекуваме во најскоро време да се разреши министерот без ресор, а дополнително ќе ве информираме кој ќе ја земе функцијата министер без ресор“, се вели во партиското соопштение.
