Откако серијата на ХБО го заинтригира целиот свет, во Чернобил „цвета“ туризмот.
Илјадници луѓе од сите краеви на светот сакаат да дојдат и да го видат местото на најголемата нуклеарна катастрофа во историјата на човештвото и да ги посетат напуштените згради, градинки, болници и училишта во кои и понатаму сè е онака како што жителите оставиле пред евакуацијата.
Чернобил за туристите е отворен од 2011 година, но досега беше дестинација само за авантуристите. По прикажувањето на серијата таму сакаат да одат и илјадници останати луѓе, а некои селфи фотографии кои настанаа во грозоморното место го згрозија целиот свет.
Во градот Припјат, кој во времето на дефектот на нуклеарната електрана имал 600.000 жители, сè е оставено како кога се евакуирале во 1986 година.
Наместо на летен одмор на плажа, луѓето одат на местото на смрт и трагедија, каде илјадници загинаа од радиоактивното дејство на нуклеарната централа, која изгоре во најголемата хаварија во историјата.
Чернобил е еден од најпопуларните примери на феноменот познат под називот мрачен туризам – термин за посетување места поврзани со смртта и страдањето, како што се нацистичките логори во Европа.
FOTO:Supplied/Instagram/Printskrin
