Тренерот на Милан, Стефано Пиоли, има разбирање за нервозата која ја манифестираше Златан Ибрахимовиќ на натпреварот со Торино.
Милан победи со 1:0, при тоа пропуштајќи неколку шанси натпреварот да го реши многу порано пред последниот свиреж на судијата.
– Мислам дека игравме добро, иако малку ризично. Ибрахимовиќ се лути затоа што можеше да игра подобро и исходот од натпреварот да се одлучи порано. Ние сме амбициозни и тоа е природно. Денешната победа ќе биде безвредна ако не успееме во следниот натпревар. Има уште 14 натпревари, а веќе размислувам за мечот со Фиорентина. Треба да победиме што е можно повеќе натпревари. Имаме уште многу работа. Ајде да видиме што се случува на крајот на сезоната – изјави Пиоли.
Милан по 24.коло има 35 бода и е во група со Верона и Парма на делба на шестата позиција на табелата во Серија А.
