Тренерот на Реал Мадрид, Зинедин Зидан по натпреварот со Леганес (1:1) во дуелот од 32. коло од шампионатот на Шпанија вети дека тимот ќе игра подобро следната сезона.
– Во првото полувреме игравме лошо, но по паузата одигравме многу подобро. Во принцип, треба да напредуваме. Следната сезона ќе бидеме многу подобри. Тимот мора да биде конкурентен. Бензема има добра сезона, особено во поглед на голови. Тој се фокусира на ефикасноста. Тој е фантастичен играч, и постигна многу оваа сезона. Многу сум среќен за него. Го покажа својот карактер и прави добра работа за тимот – изјави Зидан.
По 32 кола во шпанската Примера, Реал Мадрид се наоѓа на 3.место со 61 бод, четири помалку од второпласираниот Атлетико Мадрид и дури 13 од лидерот Барселона.
