Потпретседателот на СДСМ и пратеник Мухамед Зеќири, изјавил дека ВМРО-ДПМНЕ и ДУИ се координират веќе извесен период.
Тој додаде дека партијата на Али Ахмети и на Христијан Мицкоски се плашат од промена на изборниот модел, и затоа решиле преку амандманите да ја блокираат работата на Собранието.
– Координацијата меѓу ВМРО и ДУИ трае веќе подолго време. За ова сум предупредил и порано, додека ова денес е само потврда дека тие имаат агенда која е поблиска до ВМРО-ДПМНЕ, отколку до нас, иако заедно сме во власт – рекол Зекири.
– Јас не сфаќам кој е стравот на ДУИ и ВМРО-ДПМНЕ во Македонија да има само една изборна единица. Второ, не сфаќам зошто се против на листите 50% да бидат жени и трето зошто се против да има отворени листи – изјави Зекири за Лајм.
Според него, ова покажува дека тие немаат кадри, не се спремни и имаат страв да им овозможат на граѓаните да гласаат за конкретни имиња.
ВМРО-ДПМНЕ и ДУИ денеска во Собранието поднесоа речиси 6.000 амандмани на предлог – измените на Изборниот законик.
